वैशाख २४, काठमाडौं । नेपालमा बुधवार थप १७ जनामा कोरोना संक्रमण फेला परेको छ ।
स्वास्थ्य तथा जनसंख्या मन्त्रालयका प्रवक्ता डा विकास देवकोटाका अनुसार संक्रमितहरु पर्सा जिल्लाको वीरगञ्जका हुन् । संक्रमित हुनेमा १० जना पुरुष र ७ जना महिला रहेका छन् ।
मन्त्रालयका अनुसार हालसम्म १४ हजार ९६ जनाको पीसीआर परीक्षण गरिएको छ भने ५२ हजार ९७० जनाको आरडीटी परिक्षण गरिएको छ ।
त्यसैगरी देशका विभिन्न अस्पतालमा १३६ जना आईसोलेशनमा रहेका छन् भने १९ हजार ७३४ जना क्वारेन्टाइनमा रहेका छन् । त्यसैगरी २२ जना निको भएर घर फर्किएका छन् ।
योसँगै नेपालका कोरोना संक्रमितको संख्या ९९ पुगेको छ ।
No comments:
Post a Comment